Գյումրու Կարա-Մուրզայի անվան պետական երաժշտական քոլեջի փոխտնօրենը մեղադրվում է կաշառք ստանալու մեջ

Գյումրու Կարա-Մուրզայի անվան պետական երաժշտական քոլեջի փոխտնօրենը մեղադրվում է դիմորդների ուսումն անվճար կազմակերպելու նպատակով կաշառք ստանալու մեջ, հայտնում է ՀՀ Հակակոռուպցիոն կոմիտեն։ : Նախաքննության ընթացքում մեղադրանքներ են ներկայացվել ևս 6 անձի: Մեղադրյալներն իրենց մեղավոր են ճանաչել և տվել խոստովանական ցուցմունքներ։ Նախաքննության ընթացքում կատարված խուզարկությունների արդյունքում հայտնաբերվել է որպես կաշառք ստացված ավելի քան 1 մլն դրամ գումարը։ @ArmeniaSputnik