Փոքրիկ Իշխանը | Փոքր թատրոն

ՓՈՔՐԻԿ ԻՇԽԱՆԸ «Բոլոր մեծահասակները սկզբում երեխաներ են եղել, բայց քչերն են այդ մասին հիշում»։ Անտուան դը Սենտ-Էքզյուպերի «Փոքրիկ իշխանը» միջոլորտային ներառական ներկայացում է՝ հիմնված գրող և օդաչու Անտուան դը Սենտ-Էքզյուպերիի աշխարհահռչակ ստեղծագործության վրա։ Մարդասիրական արժեքներով լի այս պատմությունը ավելի քան ութ տասնամյակ փոխանցվում է սերնդեսերունդ՝ պահպանելով իր արդիականությունն ու հուզական ուժը։ ԳԱԿ Փոքր թատրոնի «Փոքրիկ իշխանը» արվեստի տարբեր ձևերը միավորող ներառական ներկայացում է՝ ստեղծելով ընդհանուր բեմական տարածք, որտեղ հաշմանդամություն ունեցող և չունեցող արտիստներն ու հանդիսատեսը կարող են միասին զգալ, ընկալել և վերապրել բոլոր ժամանակների համար կարևոր այս պատմությունը։ Անապատում վթարված օդաչուի հանդիպումը խորհրդավոր փոքրիկ տղայի հետ դառնում է զարմանալի ճանապարհորդության սկիզբ։ Փոքրիկ իշխանը լքել է իր մոլորակն ու սիրելի Վարդին և ճամփորդել տիեզերքով՝ ճանապարհին հանդիպելով տարբեր մոլորակների տարօրինակ բնակիչների՝ մեծահասակների, որոնց միջոցով բացահայտում է մարդկային հարաբ…