Սառցե Շոու / Ալենի կախարդական հեքիաթը

ՆՈՐ ՀՐԱՇՔԻ ՆԱԽՕՐԵԻՆ ԲԱՑԱՌԻԿ ԳԵՂԱՍԱՀՔԻ ՇՈՈՒ՝ «ԱԼԵՆԻ ԿԱԽԱՐԴԱԿԱՆ ՀԵՔԻԱԹԸ» Անցած տարի Երևանում և Բաթումիում կայացած պրեմիերաներից հետո, արժանանալով հանդիսատեսի մեծ սիրուն ու ջերմ արձագանքներին, «Ալենի կախարդական հեքիաթը» գեղասահքի շոուն վերադառնում է Երևան։ Ներկայացումը բեմադրվել է Արցախի հերոս, «Ոսկե արծիվ» շքանշանի ասպետ Ալեն Մարգարյանի հեքիաթի մոտիվներով։ Սա բարու և չարի հավերժական պայքարի մասին հեքիաթ է, որտեղ սերը, բարությունն ու ներելու կարողությունը հաղթում են խավարին՝ փրկելով Ամանորի հրաշքը։ Հանդիսատեսին սպասվում են՝ Ազգությամբ հայ և Հայաստանի ազգային հավաքականի բարձրակարգ գեղասահորդների տպավորիչ ելույթներ, - շքեղ բեմական զգեստներ և դեկորներ, - լուսային ու տեսողական էֆեկտներ, - մանկուց ծանոթ և բոլորովին նոր կերպարներ, - տոնական երաժշտություն և իսկական ամանորյա մթնոլորտ։ Շոուի ընթացքում կհնչեն Պ. Ի. Չայկովսկու, Ռ. Վագների, Ե. Կռիլատովի, Ռ. Պաուլսի, Ա. Գրիգորյանի, Մ. Դունաևսկու և այլ մեծանուն կոմպոզիտորների ստեղծագործությունները՝ համադրված սիրված ֆիլմերի ու մու…